أخر الاخبار

فضائح ايمان العاصي

تخيلوا إن الفنانة إيمان العاصي اللي بتشفوها بتلبس من أشهر البراندات العالمية بدأت من حياتها منطقة بسيطة جداً في شارع فيصل.

 النجمة اللي بنشوفها بشياكتها دلوقتي، كانت ساكنة هي وأهلها في شقة على الطوب الأحمر في شارع ضياء في فيصل، ومن وسط البساطة دي كبرت ومعاها حلم إنها تكون صحفية أو تدرس كلية اقتصاد وعلوم سياسية.

لكن الصدفة كان ليها رأي تاني خالص، لما مصور شاف ملامحها الهادية وصورها، والصورة دي وصلت لغلاف مجلة سيدتي، ومن هنا بدأت الرحلة.

المخرج خالد بهجت شاف صورتها ورشحها لأول أدوارها في عالم الفن، لكن النقلة الحقيقية كانت لما وقفت قدام الفنان الراحل نور الشريف في مسلسل حضرة المتهم أبي.

 وقتها الكل تنبأ لها بمستقبل كبير، لكن في سنة 2006 حصلت المفاجأة وقررت إيمان ترتدي الحجاب وتبعد عن التمثيل. 

إيمان وصفت الفترة دي بعدين بإنها كانت موضة وقتها وإنها أخدت القرار تحت ضغط نفسي وماكنتش محصنة ضد الفتن، فقررت تخلع الحجاب وترجع لشغلها تاني.

وفي سنة 2010، دخلت إيمان في تجربة كانت الأصعب في حياتها كلها لدرجة إن التجربة دي جابتلها عقدة لحد النهارده.. والتجربة دي هي الجواز.

إيمان اتجوزت رجل أعمال اسمه نبيل زانوسي، لكن بعد شهرين بس اكتشفت إن الواقع غير اللي كانت فكراه، وإن طبيعة شغله ومستواه مش زي ما قالها خالص وكلامه كله كدب في كدب.

 وطبعا هي مفكرتش وطلبت الطلاق بس المفاجأة بقا إنها كانت في أول حملها، والموضوع اتحول لفيلم رعـ.ـب.

جوزها خطـ.ـفها وحبسها وربطها بالحبال وضـ.ـربها، ومنع عنها الأكل والشرب، ووصل بيه الأمر إنه طلب فدية نص مليون جنيه من أهلها وسـ.ـرق دهبها كمان!!.

الوضع كان مأساوي لدرجة إن الفنان أشرف زكي اتدخل بنفسه مع الشرطة علشان يخلصها من المحنة دي.

 وفي الآخر قدرت تاخد حريتها وهي عندها 23 سنة بس، وخرجت من التجربة دي بوجع كبير وبنتها ريتاج.

 ومن يومها إيمان قررت تقفل باب الجواز تماماً وتعيش لبنتها وبس، لدرجة إنها كشفت إن بنتها خلتها توعدها إنها مش هتتجوز حد تاني وهي كمان مش هتسيبها أبداً.. يعني جالها عقدة من كل الرجالة. 

إيمان كشفت في كواليس حياتها إنها اتعرضت لضغوط نفسية رهيبة، وإن فترة حجابها كانت نتيجة حالة نفسية وتأثر بمحيطها مش عن قناعة كاملة في وقتها، وعشان كده قررت ترجع لشغلها عشان تقدر تصرف على بنتها.

قصة إيمان العاصي مش مجرد حكاية فنانة، دي رحلة بنت بدأت من شقة مش متشطبة لحد ما بقت صاحبة معرض عربيات ونجمة صف أول، بس الثمن كان غالي جداً من أعصابها وحياتها الشخصية.
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -