أخر الاخبار

قصة زواج اخر ملوك مصر بيهودية

" وقع في حبها من أول نظره واعلنت إسلامها عشانه".. دا ملخص قصة حب الملك أحمد فؤاد التاني آخر ملوك مصر وزوجته الفرنسية دومينيك فرانس.. يا ترى إزاي قصة حبهم بدأت تعالوا نعرف سوا.

الملك أحمد فؤاد الثاني اتولد في 16 يناير 1952 وهو ابن الملك فاروق والملكة ناريمان، وهو كان لسه طفل حصلت أحداث ١٩٥٢ وطردوهم بره مصر. 

أحمد فؤاد الثاني عاش مع أخواته التلاته بين سويسرا وفرنسا واتعلم مرحلة الابتدائية في مدرسة عامة وحصل على الثانوية الفرنسية في سويسرا وبعدين كمل دراسته في كلية العلوم السياسية والاقتصاد بجامعة جنيف واشتغل بعد كده  مستشار مالي في باريس عشان يعيش حياته بعيد عن السياسة.

وهناك في باريس، تحديدا في السبعينات الملك وقع في غرام بنت فرنساوية جميلة اسمها دومينيك فرانس بيكار، كانت يهـ.ـودية بس اعتنقت الإسلام عشان خاطر حبها له وسمت نفسها فضيلة.

وسنه ١٩٧٧ اتجوزها وعملها فرح أسطوري، وعاشوا في باريس وأنجبوا تلاتة أولاد وهما  محمد علي، فوزية لطيفة، وفخر الدين. 

ورغم حبهم لبعض لكن انفصلوا بعد زواج ١٩ سنة، ودا  بعد مشاكل طويلة وصلت للمحاكم عام 1996 .

اللي كتير ميعرفهوش إن الملك أحمد فؤاد الثاني هو آخر ملوك مصر والسودان من أسرة محمد علي، واتكلم عنه الرئيس الراحل محمد أنور السادات قدام البرلمان بعد أحداث أكتوبر وحكى عنه وإزاي الملك فؤاد الثاني تبرع بعربيات إسعاف للجيش المصري وقت أحداث ٧٣ الحرب رغم إن الجنسية أتشالت عنه وعن أسرته ووقتها قرروا يمنحوه الجنسية مرة تانية وادوله جواز السفر المصري .
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -