أخر الاخبار

نجيب ساويرس يشيد باقتصاد الامارات

طلع وقال للناس موتو بغيظكم ياشوية فشلة.. رجل
 الأعمال المصري نجيب ساويرس عمل حالة جدل كبيرةعلى منصة X بعد تغريدة دافع فيها بقوة عن اقتصاد الإمارات العربية المتحدة

ساويرس كتب في تغريدته :"لا داعى للقلق الامارات ضد الكسر و ضد الفشل و مرت عليها أزمات كثيرة عقارية واقتصادية و الكوفيد و غيرها و خرجت منها أقوى و أنجح .. اما الحاقدين و الحاسدين فموتوا بغيظكم يا فشلة"

التغريدة أثارت الجدل بشكل كبير خصوصًا إن رجل الأعمال استخدم نبرة حادة وهو بيرد على الكلام اللي بيتردد عن وجود أزمات أو انهيار في الاقتصاد الإماراتي.
بعد دقائق من نشر التغريدة، بدأت التعليقات تنهال عليه، وبعض المتابعين ردوا عليه بسخرية وانتقاد شديد.
واحد من المتابعين كتب وقال"مش فاهم ليه واحد حسابه معدي التسع أصفار متحيز لدولة معينة."
وواحد تاني علق و قال إن الاقتصاد الإماراتي بيمر بأزمة كبيرة، واتكلم عن تراجع العقارات وصعوبة سحب الأموال 
متابع تاني وجه كلامه مباشرة لساويرس وقال: "يا سطا.. كبار الاقتصاديين بيتكلموا عن خسائر وهجرة رؤوس أموال."

بعض التعليقات حاولت تقدم تحليل اقتصادي، وقال أحد المتابعين إن تعافي اقتصاد الإمارات ممكن يحصل لو الأوضاع الجيوسياسية استقرت بسرعة، لكن لو الأزمات استمرت لفترة طويلة فالتعافي ممكن يكون أصعب.

وواحد تاني نصح ساويرس وقاله :"لو عندك شركات هناك هتكون أول واحد يلم فلوسه ويمشي."

وبين الدفاع والهجوم عن الاقتصاد الاماراتي اتحول تغريدة ساويرس لساحة جدل كبير على السوشيال ميديا، بين مؤيدين شايفين إن الإمارات أثبتت قدرتها على تجاوز الأزمات، ومعارضين بيقولوا إن الواقع الاقتصادي دلوقتي بقى مختلف.
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -