أخر الاخبار

انباء غير مؤكدة عن نفوق بن زياد

🔴 أنباء غير مؤكدة عن جلطة مخية للشيخ محمد بن زايد، جاية في توقيت هو الأخطر على الإطلاق.. توقيت فيه تحالف (مصري - تركي - سعودي) بدأ يوجه ضربات استراتيجية موجعة لمغامرات إثيوبيا والإمارات وإسرائيل في القارة السمراء، خاصة بعد ما آبي أحمد قرر يلبس ثوب الإمبراطور ويهدد بغزو جيرانه عشان يوصل للبحر الأحمر!

إحنا دلوقتي بنعيش لحظة تاريخية، المعبد فيها بيتهد على دماغ كل اللي فكروا يبيعوا أمن المنطقة لإسرائيل... وهحكيلك ازاي حالًا... بس الحكاية المرة دي معقدة وفيها أطراف وخيوط كتير بتتحرك في الخلفية بالتوازي مع بعض، وعشان كده خلينا نستعمل أسلوبنا المعتاد...

⚫️ خلينا نعمل Zoom Out ونبص ع الخريطة من فوق، ونربط الخيوط ببعضها عشان نفهم العلاقة ما بين الأحداث كلها بسهولة، ونستنتج منها احنا رايحين على فين... خد نفس عميق وركز معايا، وتعالى ناخدها واحدة واحدة وبالترتيب، وضروري تعمل شير للمقال ده قبل أي حاجة، لإنه مهم جدًا وبيوضح أحداث كتير الناس مش فاهمة علاقتها ببعض أيه 👇

🔴 شوف يا سيدي...

من كام يوم كده، الأمير فيصل بن فرحان وزير خارجية السعودية كان في زيارة لإثيوبيا، في نفس الوقت اللي الرئيس المصري عبد الفتاح السيسي كان في زيارة للإمارات... والزيارات دي كانت بمثابة المحاولة الأخيرة لإعادة صوت العقل ووقف التحركات العدائية اللي بتعملها البلدين، قبل ما المنطقة كلها تشتعل وتخرج عن السيطرة...

🔸️ طب بيعملوا أيه البلدين؟

خد الخبر ده اللي ممكن تكون مخدتش بالك منه، وخلينا نستعمله كمدخل لفهم الموضوع...

🟢 من أيام شبكة رويترز نشرت تقرير بيكشف عن وجود "معسكر سري" في منطقة بني شنقول بإثيوبيا (على بعد 100 كم بس من سد النهضة)... المعسكر ده بيستوعب لحد 10,000 مقاتل من عصابات الدعم السريع اللي بتحارب الجيش الوطني السوداني وبترتكب جرائم حرب لا تعد ولا تحصى في السودانيين، والمقاتلين دول بيتم تدريبهم بشكل مباشر داخل الأراضي الإثيوبية وبتمويل إماراتي!

يعني إثيوبيا مشاركة مع الإمارات في اللي بيحصل في السودان... والتحركات دي بتتم بتنسيق مباشر مع إسرائيل، لتهديد الأمن القومي المصري في الجنوب (وده هدف إثيوبيا)، والاستيلاء على ثروات السودان (وده هدف الإمارات)، وخلق فوضى في القرن الإفريقي والسيطرة على مداخل البحر الأحمر (وده هدف إسرائيل والإمارات)...

🔵 وفي سبيل تحقيق الهدف ده، الإمارات بالفعل بتشتغل على دعم تقسيم الصومال وانفصال إقليم "صوماليلاند" عنها، عشان تقدر تسيطر على المواني بتاعتهم، واللي أول خطوة فيها كانت إعتراف إسرائيل بالإقليم من فترة قريبة... وكمان كانت بتحاول تدعم تقسيم اليمن؛ فقط لمجرد انها تسيطر على موانيء خليج عدن وتتحكم في مدخل البحر الأحمر، واللي أحبطتها السعودية...

والأهداف دي متناسقة بشكل مباشر مع إثيوبيا اللي بتسعى لتقسيم الصومال هي كمان، لمجرد انها عايزة تاخد 20 كيلومتر من الإقليم المنفصل (صوماليلاند) على الساحل، عشان تعمل ميناء لنفسها على البحر الأحمر!

🟡 فبالتالي زي ما انت شايف... التحركات الإثيوبية والإماراتية في منطقة السودان والصومال والقرن الإفريقي، أهدافها في المقام الأول خدمة مصالحهم الشخصية... الإمارات عايزة تسيطر على المواني والثروات والدهب السوداني وتبقى الدولة الأقوى في المنطقة، وإثيوبيا عايزة تخرج من مسمى الدولة الحبيسة ويبقى ليها رجل على البحر الأحمر... 

🔹️🔹️ بس المشكلة بقى إن التحركات دي في النهاية بتخدم مصالح إسرائيل بشكل مباشر، وإسرائيل بالفعل بتدعم البلدين بكل اللي هي تقدر عليه، لإن اللي هما بيعملوه هيؤدي في الآخر لتدمير الدول العربية وإدخال المنطقة في سلسلة من الحروب هتضعف الجيوش الكبرى اللي لحد دلوقتي لسه ما زالت متماسكة في المنطقة...

🟣 وعشان كده، فلأول مرة من سنين طويلة جدًا، بدأ بالفعل يتكون محور إسلامي وعربي موازي للمحور الإماراتي الإسرائيلي الإثيوبي ده، عشان يدمر مخططاتهم ويقضي على طموحاتهم التوسعية في المنطقة... والمحور ده هو التحالف بين مصر وتركيا والسعودية وباكستان، واللي بدأ بالفعل يحارب مخططات محور الشيطان الإسرائيلي بشكل مباشر...

1️⃣ تركيا دلوقتي عندها أكبر قاعدة تدريب بره حدودها في الصومال (تركسوم)، ودربت أكتر من 16,000 جندي صومالي، وبعتت مسيرات بيرقدار TB2 وأكينجي المتطورة للمنطقة عشان تساعد في تأمين الصومال ضد أي محاولات للتقسيم... ونفس المسيرات التركية دي بقالها أسابيع بتدك المعاقل والمعسكرات الخاصة بعصابات الدعم السريع في السودان، بدعم واشتراك مباشر من مصر والجيش الوطني السوداني...

2️⃣ وعلى الناحية التانية، مصر بعتت شحنات سلاح للصومال لأول مرة من 40 سنة، وبعتت بعثة عسكرية مرعبة مكونة من أكتر من 10,000 جندي للصومال، ضمن قوات مهمة حفظ السلام في الصومال AUSSOM، عشان تحاصر الحدود الإثيوبية بشكل مباشر وتمنعها من أي طموحات توسعية... 

وكمان مصر عملت اتفاقيات تفاهم دبلوماسية مع إريتريا وجيبوتي، وكونت بالاشتراك معاهم محور موازي يقطع الطريق على التوسع الإثيوبي تمامًا!

3️⃣ أما السعودية؛ فهي ضربت المصالح الإماراتية في اليمن، وأجبرت الإمارات على سحب قواتها بالكامل زي ما شفنا من كام شهر، واتدخلت لدعم القوات الحكومية اليمنية ونجحت بالفعل في استعادة السيطرة على اليمن وهزيمة قوات المجلس الانتقالي الجنوبي المدعوم من الإمارات، واللي كان عايز ينفصل بجنوب اليمن ويكون دولة مستقلة!

🟠 طب وباكستان؟!

4️⃣ باكستان بعتت شحنات سلاح للجيش الوطني السوداني، ودخلت مع السعودية من قريب في تحالف دفاع عسكري مشترك... وده خلى التحالف العربي الإسلامي ده يتحول لقوة عسكرية ليها غطاء نووي، عشان يكون محور ردع متوازن لو اسرائيل فكرت تلعب بعقلها ولا حاجة...

🟪🟪 فـ واخد بالك المشهد من فوق عامل ازاي؟

في تنسيق استراتيجي واستخباراتي وعسكري بين الدول الـ 4، بيدور على أعلى مستوى، وكل بلد ماسكة ملف شغالة عليه بالتوازي مع الباقيين؛ وبتحقق فيه نجاحات كبيرة، بيفرملوا بيها خطط اسرائيل... 

تركيا ومصر بيساعدوا السودان والصومال، والسعودية بتقصقص جناحات الإمارات وبتساعد اليمن، وباكستان بتوفر غطاء نووي واستخباراتي لكل ده...

⚫️ بس الدول الـ 4 بردو مش عايزين الموضوع يتطور ويتحول لحرب إقليمية شاملة هتولع في المنطقة كلها... وعشان كده بياخدوا خطوات دبلوماسية لمحاولة حل الخلافات بشكل سلمي... 

🔴 ومن هنا بقى جت الزيارات الرسمية من مصر والسعودية للإمارات وإثيوبيا اللي حكيتلك عنها في الأول...

الزيارات اللي شفناها مؤخرًا (السيسي للإمارات وفيصل بن فرحان لإثيوبيا) مكانتش زيارات ودية... دي كانت الفرصة الأخيرة لمحاولة حل الخلافات بشكل سلمي... وللأسف مفيش تفاصيل مؤكدة عن اللي دار بداخل الاجتماعين دول، بس التسريبات الإعلامية والاستنتاجات الصحفية المبنية على مصادر مقربة من صناع القرار في مصر والسعودية، بتقول ان الاستراتيجية كانت واحدة تقريبًا...

🟡 مصر بتحاول تصلح الصدع الكبير اللي حصل ما بين الإمارات والسعودية، عشان ترجع الصف العربي متوحد مرة تانية، وتقنع الإمارات بالتخلي عن سياستها المتحالفة مع اسرائيل، والعودة للركب العربي مرة تانية...

🟢 أما السعودية بقى، فهي كانت بتوجه تحذيرات مباشرة لإثيوبيا...

تسريبات اتكلمت عنها مصادر صحفية كتير قالت إن الأمير فيصل بن فرحان أثناء اجتماعه بآبي أحمد، قاله إنه إسرائيل والإمارات مش هيقدروا يحموه، وإن في تحالف مصري تركي اتكون ونفوذه بيزيد في المنطقة، ولو ملمش الدور فهو هيلاقي نفسه بيخوض معركة هتؤدي لنهايته وتقسيم دولته بالكامل!

🟣 طب هل آبي أحمد سمع الكلام؟!

لأ... 

للأسف احنا قدام قائد عنده جنون العظمة، ومصاب بهلاوس إنه يرجع أمجاد الإمبراطورية الحبشية المنهارة؛ وعشان كده طلع في مؤتمر صحفي بيقول ان وصول إثيوبيا للبحر "مسألة وجودية"، وإن المنطقة "لن تشهد استقرارًا إلا بوصول إثيوبيا للبحر الأحمر"!

🔵 يعني من الآخر، بيهدد الدول المجاورة بغزوها لو موصلش للبحر الأحمر... وناسي إن بلده لسه طالعة من حرب "تيجراي" اللي راح ضحيتها ما بين 300 ألف لـ 600 ألف قتيل، وإن اقتصاده منهار وعنده صراعات داخلية في "أمهرة" و"أوروميا"، وإن إريتريا دلوقتي بتجهز جيشها لحرب مباشرة معاه بسبب سياسته الانتحارية!

🔸️ وهنا بقى رد مصر على الهرتلة دي كان قاطع... وزير الخارجية المصري قال في تصريحات إن سيادة البحر الأحمر هي "حق حصري" للدول اللي ليها شواطئ عليه بس، وإن محاولة إثيوبيا لفرض واقع جديد هي "لعب بالنار" هيحرق إثيوبيا نفسها قبل أي حد تاني...

🔴🟠 وفي الخلفية بقى، الرئيس التركي رجب طيب أردوغان كان مرتب لزيارة هيروح فيها للإمارات بردو عشان يحاول يحل المشكلة بالدبلوماسية، بس الزيارة اتلغت في اللحظات الأخيرة، والخارجية التركية أعلنت إن الرئيس الإماراتي محمد بن زايد مصاب بوعكة صحية وده سبب إلغاء الزيارة!

وبرغم ان تركيا بعدها حذفت التفاصيل دي واكتفت بخبر إلغاء الزيارة بس، إلا إن صحف تانية تركية وعربية أكدت على خبر الوعكة الصحية، وقالوا كمان إن الشيخ محمد بن زايد مصاب بجلطة مخية وإنه محجوز في المستشفى... 

🔹️ والله أعلم لحد دلوقتي مدى صحة الخبر ده، بس هو مش مستبعد خالص وممكن يكون بسبب الضغط النفسي والعصبي اللي عليه بعد ما كل خططه بتتضرب في مقتل واحدة ورا التانية...

🔸️🔹️🟡 فـ الخلاصة ايه؟!

🟣 إثيوبيا والإمارات دلوقتي محاصرين بـ "كماشة" من الصومال (قوات مصرية وتركية) ومن السودان (جيش مدعوم مصريًا وضربات بالمسيرات التركية)... وخطط إسرائيل كلها بتواجه تهديد حقيقي بسبب تحالف إسلامي حقيقي بيتكون لأول مرة في التاريخ العربي الحديث... 

إحنا بنعيش لحظة تاريخية، المعبد فيها بيتهد فوق دماغ اللي فكروا يبيعوا أمن المنطقة لإسرائيل.. ونتمنى من الله إن الموضوع يخلص بالسياسة، عشان المنطقة مش ناقصة حروب تحرق الكل...

🔴🔴 هسيبلك كل الأرقام والتقارير والمصادر تحت في أول كومنت 👇 ومتنساش تعمل شير للبوست لو وصلت لهنا، عشان يوصل للكل ويفهموا تفاصيل الأحداث اللي بتدور دلوقتي ويقدروا يربطوا الخيوط كلها ببعض..

شكرًا.

#علام
Cop Mahmoud Allam
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -