أخر الاخبار

كواليس تأخر خطاب التنحي

“سوزان كانت بتحلم إنها ملكة ملفوف حوالين رقبتها حبل!”

يوم 11 فبراير 2011 مصر كلها كانت واقفة قدّام الشاشات مستنية خطاب التنحّي..

ومكانوش يعرفوا إن في حكايات كبيرة بتحصل في الكواليس…

اللواء إسماعيل عثمان كان موجود من بدري في مبنى ماسبيرو، وفي إيده شريط صغير…

شريط بيان التنحّي.

برا المبنى الناس كلها كانت في الشارع، وكله كان بيسأل سؤال واحد بس… إمتى؟

لكن البيان اتأخر جدًا رغم إنه كان جاهز!!

السبب ما كانش فني، ولا أمني، ولا حتى سياسي…

سبب تأخير بيان التنحّي… هو سوزان مبارك.

في فيلا جوه القصر الرئاسي كانت سوزان مبارك منهارة وعمّالة تعيط، ورافضة تمامًا إنها تمشي…

انهيار كامل ورفض تام للخروج…

الوضع وصل لدرجة إن الحرس الجمهوري اضطر يعمل حاجة عمرها ما حصلت…
واخترق بروتوكول «المكان المحرّم»..
اللي محدش بيدخله غير أسرة الرئيس.

دخلوا الحرس ولقوا أغرب حاجة…

سيدة مصر الأولى قاعدة على الأرض منهارة، وحواليها صورها ومجوهراتها…

حواليها كل ذكريات الـ 30 سنة اللي فاتوا…

قعدوا معاها يحاولوا يهدّوها…

أكتر من 3 ساعات كاملين بيحاولوا يقنعوها إنها لازم تمشي…
لحد ما أخيرًا وافقت إنها تروح لشرم الشيخ…

ساعتها بس… صدر أمر بإذاعة البيان.

لكن الحكاية ما وقفتش هنا…

بعد الثورة بدأت تطلع روايات عن مذكرات سرّية قيل إن سوزان مبارك كتبتها بعنوان:
«سيدة مصر الأولى… 30 عامًا على عرش مصر».

أجزاء منها اتسرّبت، ووسائل إعلام مصرية وأجنبية اتكلمت عنها…

أكدت فجر السعيد إن المذكرات موجودة فعلًا…

قالت سوزان مبارك إن ساعة الثورة اتعرض على مبارك لجوء سياسي من أمريكا والسعودية والإمارات…
لكن مبارك رفض تمامًا وقال:
«أنا هموت في مصر».

وقالت كمان سوزان إن كان بيطاردها كابوس غريب آخر 10 سنين في الحكم…

كانت بتحلم إنها لابسة ملابس الملكة نازلي،
وفي حبل ملفوف حوالين رقبتها!

الحلم كان بيجيلها دايمًا، لدرجة إنها استعانت بدكتور نفسي كان بيزور القصر باستمرار…

سوزان كانت حاسة بالنهاية دي من بدري…

كانت حاسة إن الكرسي مش دايم، وإن السلطة مهما طولت ليها آخر.

يمكن علشان كده الكابوس كان بيرجع لها كل ليلة…

ملكة… وحبل… ونهاية قريبة.

غالبًا انهيارها يوم 11 فبراير مش علشان بتمشي من القصر…
لكن علشان كانت بتودّع حياة كاملة، عارفة إنها مش هترجعلها تاني…
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -