قصة حب الفنان إيهاب توفيق لزوجته ، من أمتع القصص اللى كتير بيعجب بيها لإنها قلبت حياته كلها،القصة بدأت لما كان بيغني في فرح بنت عمته، وهناك لمح بنت مختلفة وسط الزحام، كانت واقفة بهدوء، ملامحها جذابة، وابتسامتها فيها حاجة شدته جدًا وبيقول إيهاب: "أول ما شفتها قلت لنفسي دي هي.. خلاص" من غير تردد، راح ناحيتها وطلب رقمها بشكل مباشر ،هي اتفاجئت جدًا وقالت له بدهشة: دلوقتي؟ لكنه رد بكل ثقة: "أيوه.. عايز رقمك، عشان لو اتفقنا أنا ناوي أتجوزك مش أتكلم بس
الكلام كان صريح جدًا بس نِيته كانت واضحة ،وقال في اللقاء إن السبب وراء جرأته دي هو نقاش كان مع صحابه قبلها بفترة، لما قالوله :يا إيهاب، طالما نيتك جواز مش لعب، محدش حيِزعل منك، الجملة دي كانت نقطة التحول في تفكيره
وفعلًا، تاني يوم كلم والدتها الأول احترامًا، وطلب يقابل العيلة رسمي وفي أول زيارة راح معاه والده وعمه وابن عمه، وبعد أسبوع واحد بس من اللقاء الأول... اتقرأت الفاتحة
الوسط الفني كله فرح بالخبر، والجمهور اتكلم عن رومانسية إيهاب اللي كانت دايمًا باينة في أغانيه ، لكن المرة دي كانت في الواقع