أخر الاخبار

انهيار مهنة طب الاسنان في مصر

هل فعلا مهنة طب الاسنان بقت في خطر؟
وهل قلة الفرص معناها اننا نفكر في كارير شفت؟

السؤال ده بيدور في دماغ دكاتره كتير، خصوصا مع زيادة عدد الخريجين وقلة فرص الشغل، فهل فعلا المهنه انتهت علي الاقل في مصر؟
الاجابة علي المشكلة دي هي جملة واحدة: ان السوق اتغير تماما واللي ما اتغيرش معاه خرج برا المنافسة.
قلة الفرص دي حقيقية، بس لازم نفهمها صح، السوق بقى انتقائي جدا، واي فرصة كويسة بقت بتدور على دكتور معين وده يفسر ليه بنشوف دكاترة صغيرين كلنا متابعنهم ومكسرين الدنيا هما موصلوش للمستوي ده علشان حظهم اوفر لكن لانهم فهموا المعادلة بدري وفهموا ان الفرص قليلة، فاشتغلوا على نفسهم اكتر وميزوا نفسهم، وقدموا قيمة مختلفة خلتهم يخترقوا السوق.

خليني اوضحلك الصورة كاملة
لما اي صاحب عياده بيدور على دكتور، هو مش بيدور على حد يملي بيه جدول، هو بيدور على دكتور يقدر يعتمد عليه ويشيل مسؤولية المكان علشان كده خليك فاكر قاعدة مهمة: Market is the king
السوق هو الحكم الوحيد عليك، وده يخليك تفكر ايه الـ Qualifications اللي تخلي الشغل هو اللي يدور عليك؟

اول واهم مرحلة Endo + Restoration، لان اغلب المرضى جايين بسبب الوجع، وهنا مش بنتكلم عن Basics، بنتكلم عن Advanced Endodontics.
وييجي الجزء الاصعب، هل هتعرف تبني السنه تاني؟ هل الريستوريشن اللي هتعملها هتعيش سنين طويله؟ ولو وصلت لده، انت عديت نص الطريق.

بعد كده ييجي دور الـOcclusion والـPerio. التخصصات دي هي اللي بتحافظ على شغلك علي المدي الطويل، وهي الفاصل بين دكتور شغله يعيش، ودكتور شغله يبدأ يطلع مشاكل بعد سنتين. وهنا انت وصلت لحوالي 75% من الطريق.

اخر جزء في الشغل الكلينيكال هو smile makeover، علشان لو جاتلك اي حاله تجميلية تبقى فاهم بتتعامل معاها ازاي، مش بتجرب
طيب، هل كده خلاص؟
لا، لسه.
لان من غير communication skills قوية، المريض مش هيكمل معاك حتى لو شغلك ممتاز. وبكده انت حلصت الطريق كله

الخلاصة:-
لو انت فاهم السوق، وبتستثمر في تعليمك ونفسك صح، مش هتدور على شغل، الشغل هو اللي هيدور عليك علشان كده طور نفسك الاول وبعدين فكر في الفرص.
ونحب نسمع رأيك؟
هل شايف فعلا ان المشكلة في قلة الفرص والسوق، ولا في طريقة تجهيز نفسنا للفرص؟
ولو عندك رأي مختلف او تجربة حقيقية، نحب نسمعك ونناقشها سوا في الكومنتس.
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -