أخر الاخبار

⭕️بئر زمزم المصري 

يمكن تكون اول مرة تسمع الاسم ده لكن بعد ما تعرف ده ايه و ايه قيمته و معجزته مش حتنسي الاسم ده ابدا و حتحاول كمان تزوره 

المكان ده يا سيدي موجود في مصر و تحديدا في وادي النطرون ، قصته تفوق الخيال و ضد قوانين الطبيعة اساسا 
القصة يا سيدي ان في بحيرة في وادي النطرون اسمها بحيرة السماء او البحيرة الحمراء و البحيرة دي من اكتر البحيرات ملوحة علي وجه الارض و في رحلة العائلة المقدسة نزل في المكان ده السيدة مريم العذراء و سيدنا المسيح عيسى عليه السلام و هو طفل طبعا و معاهم يوسف النجار و هنا بكي الطفل من العطش 
وهنا حاولت الام ان تبحث لطفلها عن ماء عذب و طبعا البحيرة زي ما قولنا شديدة الملوحة ولا تصلح للشرب و هنا دعت مريم ربها و فجأة تفجر ينبوع ماء عذب من داخل البحيرة 

تخيل ماء عذب يخرج من وسط الماء المالح عشاء يشرب نبي الله في معجزة ضد كل قوانين الطبيعه 

بتفكرك بأيه القصة دي 

ايوه.. قصة السيدة هاجر و سيدنا اسماعيل عليه السلام لما تفجر بئر زمزم من تحت قدميه ، المعجزة واحدة و الفاعل واحد وهو الله  

تخيل بقي ان النبع ده لسه موجود لحد دلوقتي داخل البحيرة و لم يجف لحد دلوقتي رغم ان عمره اكتر من ٢٠٠٠ سنة و عاملين حواليه جوة البحيرة زي بئر يحيط به عشان يفصل بينه و بين مية البحيرة المالحة 

يقال ان مية النبع ده اللي بيطلقوا عليه بئر مريم او بئر زمزم المصري ان المياه بتاعته بتساعد علي شفاء امراض كتير وان طعمها مختلف عن مية الابار او البحيرات اللي موجودة في مصر 
البئر طبعا كان في بداية البحيرة لكن مع مرور الزمن وتغير الطبيعة الجغرافية للبحيرة اصبح الان داخل البحيرة و يوجد ممر صخري للوصول اليه

البحيرة كمان نفسها تحس انها هدية من السماء فعلا لمصر و حتعرف انها فعلا هدية لما تعرف قيمتها 

وقيمتها في انها بتحتوي علي العديد من الاملاح الكبريتية و املاح البوتاسيوم اللي بتعالج العديد من الامراض الجلدية زي الاكزيما و الصدفية و كمان امراض تانية زي الروماتيزم و الروماتويد و التهاب المفاصل و بتعتبر تاني اكبر بحيرة علاجية في العالم بعد البحرالميت في الاردن
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -